هذا عقلة بكون صاحب صبحي الي اتعرف عليه صبحي في دردشة عيون في غرفة " عيون الاردن "  و هذا عقلة بدرس بالجامعة بعمان و بعد الظهر  بشتغل على إحدى الإشارات الضوئية منظف لزجاج السيارات -

المهم في يوم من الايام صبحي جاعص على هل مسنجر .. و فجأه بدخل عقلة على المسنجر حاط نك نيم " بحبك يا سوسو " ..  و بسأل صبحي عقلة  عن قصة هل نيك نيم ..

و متل كل مرة صبحي بخبرنا القصة  ..

بقوال صبحي :-
في يوم من الايام و فجاة توقف فتاة شقراء بسيارة (BM) يمسحلها عقلة سيارتها فتعجب هذه الفتاة العبدونية بعقلة , فتعزمه على (كباتشينو) في كوفي شوب محترم بعمان الغربية , ودار بين عقلة و سوسو حديث بزهق وبيهز البدن و طبعا عقلة لسوء حظه كان يشرب الكباتشينو بالمعلقة , و بهاية الحديث أخذ عقلة يوصف لسوسو الحياه بالقرية , حيث قال بحسن نيه وطبعا وعلى هبل و على نيته ....:

يا ست سوسو إحنا جماعة مطبشين و حمشين و نسونجيه و نخونجيه و قلوبنا طيبه اطيب من الكنافه وعاشين تحت خط الفقر و التلفون و الكهربا , لكن ربنا ساتر علينا وما بده يفضحنا , طبعاً النسوان عندنا بيحبو الخبيزة " وهي نوع من العشب لا ينبت إلا على المزابل أو ميه المجاري " , و بيعرفو يطبخو مجدره و هي عبارة عن خلطة برغل و عدس " البرغل هو قمح إللي مرفوس بالرجلين ..

و الزلم عندنا بيعرفو رقصة الدحيه الدحيه هم جماعة شبه إرهابية " على ذمة الامريكان " , هدفهم تشويه الايقاع الموسيقي و تكسير درجات السلم الموسيقي , وطبعا أولاد القرية عالبركة , طول نهارهم بالشوارع مثل النور ياللي مضيعين حجاابهم , و اخو أخته إللي بيلبس برجله " سندل" و الشباب طول نهارهم يا بالحاوية بيلعبوا شده وطبعا طول اللعبه بيسبوا على بعض ...

و لانه الناس عندنا بيزتوا زبالتهم بجانب الحاوية " للمحافظة عى نظافتها .. " شوفي قديش مؤدبين و نظايفية " .. فهي أنسب مكان للعب الشده وإذا ما لعبوا .. بتلاقيهم دايرين وراء البساس ( جمع بسه و هو حيوان بشبه كثيرا القط ) و يعني شو بدي احكيلك كمان ............

و فجاءة و صبحي بيحكي مع عقلة على المسنجر دخلت على المسنجر صبية كان صبحي لاطش ايميلها من منتديات عيون .. فعمل صبحي بلوك ل عقلة و راح يطق حنك مع الصبية